வேர்க்கடலை தேன்குழல்

தேவையான பொருட்கள்:
பச்சை வேர்க்கடலை - 1/2 ஆழாக்கு,
பச்சரிசி மாவு-ஒரு ஆழாக்கு,
கடலை மாவு-2 டேபிள் ஸ்பூன்,
காய்ந்த மிளகாய்-3,
பெருங்காயம்-சிறிதளவு,
நெய்-ஒரு டேபிள் ஸ்பூன்,
உப்பு, எண்ணெய்-தேவையான அளவு

செய்முறை: பச்சரிசியை 20 நிமிடம் ஊறவைத்து, நீரை வடித்து லேசாக காயவிட்டு மிக்ஸியில் பொடித்து சலிக்கவும். வேர்க்கடலையை வேகவிட்டு மசிக்கவும். காய்ந்த மிளகாய், உப்பு, பெருங்காயம் மூன்றையும் அரைத்து வடிகட்டவும். பச்சரிசி மாவு, மசித்த வேர்க்கடலை, காய்ந்த மிளகாய் ஜூஸ், நெய், கடலை மாவு சேர்த்து கெட்டியாய்ப் பிசைந்து மாவை தேன்குழல் அச்சில் போட்டு சூடான எண்ணெயில் பிழிய வேர்க்கடலை தேன்குழல் ரெடி!