ஸ்டைலாகவும், அழகாகவும் இருக்கத்தான் ஃபேஷன் பொருட்களைப் பயன்படுத்து கிறோம். ஆனால் சிலசமயங்களில் ஃபேஷன் பொருட்களே நம் ஆரோக்கியத்திற்குப் பிரச்னையாகி விடுகிறது. எந்தெந்த ஃபேஷன் பொருட்கள், எந்தெந்த மாதிரியான பிரச்னையை ஏற்படுத்துகிறது என்று பார்க்லாமா?
ஸன்கிளாஸஸ்
சூரியனின் தாக்கத்திலிருந்து பாதுகாக்க வேண்டும் என்பதற்காகத்தான் நாம் ஸன்கிளாஸையே பயன்படுத்துகிறோம். பொதுவாக, சற்று டார்க் கலரில் இருக்கின்ற ஸன்கிளாஸைத்தான், பயன்படுத்துகிறோம். ஆனால் உங்களுக்கொன்று தெரியுமா? டார்க்கான கலரில் இருக்கின்ற ஸன் கிளாஸ், சூரியனிலிருந்து முழுமையாக உங்கள் கண்களைப் பாது காக்காது. இது போன்ற கண்ணாடிகள் அல்ட்ரா வயலட் கதிர்களை அதிக அளவு ஈர்த்துக் கொள்கிறது. பொதுவாகவே டார்க் கலர் உடைகள் அதிக அளவு ஒளியையும், வெப்பத்தையும் ஈர்த்துக் கொள்ளும் இல்லையா? அதுபோலவே ஸ்பெஷல் கோட்டிங் கொடுக்கப்படாத சாதாரணக் கண்ணாடிகள் கண்களில் எரிச்சல், கண் சிவப்பது போன்ற பிரச்னைகளை ஏற்படுத்திவிட்டுவிடும். எச்சரிக்கை தேவை!
தலைமுடி
பள பள கூந்தல் தான் தற்போதைய யூத்களுக்குப் பிடித்தமான ஒன்று. இதையே பிடித்துக் கொண்டு எண்ணற்ற ஹேர் ப்ராடக்ட்கள் சந்தையில் வலம் வரத் துவங்கிவிட்டன. பெரும்பாலான ஷாம்பூக்களில் `சோடியம் லாரைல் ஸல்ஃபேட்' என்கிற கெமிக்கல் கலந்திருக்கிறது. இது உங்கள் தலைமுடியின் வேர்க்கால்களை பலமிழக்கச் செய்துவிடுகிறது. விளைவு தலைமுடி கொட்டி வழுக்கையாகிவிடுகிற வாய்ப்பிருக்கிறது. அதனால் தரமான ஆயுர்வேதிக் ப்ராடக்ட்களைப் பயன்படுத்துங்கள்.
ஜிம்
உடம்பை ஃபிட்டாக வைத்துக் கொள்ள வேண்டுமென்றால் அதற்கு ஜிம்முக்குச் சென்று எக்ஸர்சைஸ் செய்வதுதான் நல்ல வழி. இதில் தவறு ஒன்றும் இல்லை. ஆனால் நீங்கள் எக்ஸர்சைஸ் செய்யும்போது அணிந்து கொள்ளும் டைட்ஸ்தான் பிரச்னையே. இதை போட்டுக் கொண்டால் உங்களுடைய அவுட் லுக். என்னவோ அழகாகத்தான் தெரியும். ஆனால் எக்ஸர்சைஸ் செய்யும்போது இப்படி டைட்டான `அவுட்ஃபிட்'டை போட்டுக் கொண்டால் வியர்வை முழுவதுமாக வெளியேற முடியாமல் தொடை மற்றும் இடுப்பில் அப்படியே நின்றுவிடும். தொடர்ந்து இப்படி வியர்வை வெளியேற முடியாமல் போனால் அந்த இடங்களிலெல்லாம் இன்ஃபெக்ஷன் வர வாய்ப்பிருக்கிறது. ஸோ, எக்ஸர்சைஸ் செய்யும்போது தளர்வான காட்டன் டிரஸ்தான் பெஸ்ட்!
வளையங்கள்
கல்லூரிக்குப் போகும் பெண்களும் சரி, மாடலிங் செய்பவர்களும் சரி காதுகளுக்கு அதிகம் பயன்படுத்துவது வளையங்கள் (ஸிவீஸீரீƒ) தான். ஜீன்ஸ், சுடிதார், ஃபேஷன் புடவைகள் என்று எல்லாவிதமான உடை களுக்கும் இந்த வளையங்கள் பொருந்துவதால் இன்றைய இளவட் டங்களின் ஒட்டுமொத்த ஓட்டும் இந்த ஃபேஷன் வளையங்களுக்குத்தான். இப்படி அடிக்கடி பெரிய பெரிய வளையங்களைப் பயன்படுத்தினால் காதுமடலின் அடிப்பகுதி விரிந்து காதுப்பகுதிகளில் தீவிரமான இன்ஃபெக்ஷன்களை ஏற்படுத்திவிடும் அதனால் முடிந்தவரை இதுமாதிரி யான பெரிய பெரிய வளையங்களைப் பயன்படுத்துவதைத் தவிர்த்துவிடுங்கள். ஏனென்றால் நாலு பேர் பேசுவதைக் கேட்கவாவது நம் காது நல்ல முறையில் இருக்க வேண்டாமா?
ஸ்டாக்கிங்ஸ்
எண்பதுகளில் பிரபலமான ஸாக்ஸ் போடும் கலாச்சாரம் தற்போது மறுபடியும் ஃபேஷனாகிவிட்டது. குறிப்பாக முட்டி வரைக்கும் இறுக்கமாக ஸாக்ஸ் போடும் போது அந்தப் பகுதிகளின் ரத்த ஓட்டத்தை பாதித்து `நரம்புச் சிலந்தி' போன்ற பாதிப்புகளையும் ஏற்படுத்திவிடும். அதனால் முடிந்த வரை முட்டி வரைக்கும் இறுக்கமான ஸாக்ஸ் போடுவதைத் தவிர்த்துவிடுங்கள்.
ஹைஹீல்ஸ்
சந்தேகமும் இல்லை. ஹைஹீல்ஸ் உங்களை அழகாகவும் உயரமாகவும் கம்பீரமாகவும் காட்டும் தான். ஆனால் தொடர்ந்து பயன்படுத்தினால் முதுகுவலி, ஆர்த்ரடீஸ் போன்ற பிரச்னைகள் உங்களை ஒரு வழி பண்ணிவிடும். அதனால் அடிக்ககடி ஹைஹீல்ஸைப் பயன்படுத்தாதீர்கள்!
0 comments:
Post a Comment