கொண்டைகடலை முட்டை

தேவையானப் பொருட்கள்
வெள்ளை கொண்டைகடலை - 1 1/2 கப்
முட்டை - 2
வெங்காயம் - 1/2 கப் (மிகப்பொடியாக நறுக்கியது)
தக்காளி - 1/2 கப் (மிகப்பொடியாக நறுக்கியது)
இஞ்சி,பூண்டு விழுது - 1 டீஸ் ஸ்பூன்
கரம்மசாலாத்தூள் - 1 டீஸ் ஸ்பூன்
எண்ணெய் - 2 டேபிள் ஸ்பூன்
கொத்தமல்லித்தழை - 2 கீற்று (பொடியாக நறுக்கியது)
உப்பு - தேவையான அளவு

செய்முறை
கொண்டைகடலையை 8 மணிநேரம் ஊற வைத்து உப்புப்போட்டு வேகவைத்து எடுத்துக்கொள்ளவும்
முட்டையை ஒரு பாத்திரத்தில் உடைத்து ஊற்றி நன்றாக அடித்துவைக்கவும் , வெங்காயம், மற்றும் தக்காளியை பொடியாக நறுக்கிக்கொள்ளவும்
அடுப்பில் ஒரு தவாவை வைத்து அதில் எண்ணெய் விட்டு வெங்காயம் மற்றும் தக்காளியை போட்டு நன்றாக வதக்கவும், வதங்கிய பின்னர் இஞ்சி பூண்டுவிழுதை போடவும், கரம் மசாலத்தூள் போட்டு நன்றாக கிளறி தேவையான அளவு உப்பும் போட்டு (தக்காளி , வெங்காயத்திற்கு தேவையான உப்பு மட்டும் போடவும்)1/4 கப் தண்ணீர் விடவும்.
தண்ணீர் வற்றி கலவைகுழைவாக இருக்கும்போது உடைத்துவைத்துள்ள முட்டையை ஊற்றி நன்றாக கிளறிவிடவும் முட்டை நன்றாக கலந்து விடவும் திட்டு திட்டு ஆக இருக்ககூடாது ,கடைசியில் வேகவைத்து எடுத்துள்ள கொண்டைக் கடலையை சேர்த்து நன்றாக எல்லாமும் சேரும்மாறு கிளறி இறக்கவும்.நறுக்கிவைத்துள்ள கொத்தமல்லித்தழையை தூவவும்
இந்த கொண்டைகடலை முட்டையை சப்பாத்தி,பூரி, பிரெட் இவற்றுடன் தொட்டுக்கொள்ளலாம்