சமோசா

தேவையானப் பொருட்கள்
மைதா மாவு -- 250 கிராம்
பேக்கிங் பவுடர் -- 1 டீஸ்பூன்
நெய் -- 1 1/2 டேபிள்ஸ்பூன்
கெட்டி தயிர் -- 1 டீஸ்பூன்
கேரட் -- 1/2 கப் (பொடியாக நறுக்கியது)
பட்டாணி -- 1/4 கப் (வேகவைத்தது)
உருளைக்கிழங்கு -- 1/2 என்னம் (வேகவைத்து மசித்தது)
மிளகாய் தூள் -- 1/2 டீஸ்பூன்
தனியா தூள் -- 3 சிட்டிகை
உப்பு -- ருசிக்கேற்ப

செய்முறை
மைதாமாவுடன் பேக்கிங் பவுடரை கலந்து சலித்து உப்பு, நெய், தயிர் தேவையான அளவு தண்ணீர் சேர்த்து கெட்டியாக பிசைந்து 1/2 மணி நேரம் ஊறவைக்கவும்.
வாணலியில் எண்ணைய் ஊற்றி காய்ந்ததும் கடுகு தாளித்து காய்கறிகளை போட்டு வதக்கவும்.
அதில் மிளகாய்தூள், தனியா தூள்,உப்பு போட்டு வதக்கி கலவையை தனியே வைக்கவும்.
1/2 மணிக்குப் பிறகு பிசைந்த மாவை மீண்டும் நன்கு பிசைந்து சிறிய சிறிய உருண்டைகளாக உருட்டி வட்டமாக தேய்த்து அதை அப்படியே பாதியாக மடித்து மேலே தேய்த்து அதை கோன் வடிவமாக செய்து காய்கறிக்கலவையை வைத்து மூடி 1/2 மணி நேரம் அப்படியே வைக்கவும்.
வாணலியில் காயவைத்த எண்ணையில் போட்டு பொரித்து எடுக்கவும்